Honge juda hum is tarah imkaan toh na tha

Honge juda hum is tarah imkaan toh na tha,
ye dil kabhi bhi is tarah weeraan toh na tha. !

Jaise hua hai ab ke woh halaat se mere,
pahle kabhi woh is tarah anjaan toh na tha. !

Woh shehar se gaya hai toh raunaq bhi le gaya,
ye shehar is tarah kabhi sunsaan toh na tha. !

Ek Pyar ki jaageer ka maalik tha main kabhi,
pahle se yun hi be’sar-o saamaan toh na tha. !



Mohsin’ hum ne ishq mein paaya naffa bahut,
is kaarobaar mein koi nuqsaan toh na tha.

Mansoob Thay Jo Log Meri Zindagi Ke Saath
Aksar Wahi Milay Hein Bari Be-Rukhi Ke Saath

Yun To Main Hans Para Hoon Tumhare Liye Magar
Kitne Sitare Toot Pare Ek Hansi Ke Saath

Fursat Milay To Apna Girebaan Bhi Dekh Le
Aey Dost Yun Na Khail Meri Be-Basi Ke Saath

Majboorion Ki Baat Chali Hai To Mai Hai Kahan
Hum Ne Piya Hai Zehar Bhi Aksar Khushi Ke Saath

Chehray Badad Badal Ke Mujhe Mil Rahe Hein Log
Itna Bura Sulook Meri Saadgi Ke Saath



Ek Sajda-E-Khulos Ki Qimat Fiza-E-Khuld?
Ya Rab Na Kar Mazaaq Meri Zindagi Ke Sath

Mohsin Karam Ki Ley Bhi Ho Jis Mein Khuloos Bhi
Mujhko Ghazab Ka Pyar Hai Uss Dushmani Ke Saath